திரு.செயதாசிற்காக சிறுநீரக மருத்துவ நிதி கலை நிகழ்ச்சி

நாடறிந்த இண்ட்ராஃப் மக்கள் சக்தி போராட்டவாதியான திரு.செயதாசு சிறுநீரகங்கள் செயலிழந்த நிலையில் அவதிப்பட்டுவருவது அனைவரும் அறிந்த ஒன்றே. தற்சமயம் வாரத்திற்கு மூன்று முறை சிறுநீரக சுத்திகரிப்பு செய்தும் வருகிறார். மலேசியாவில் வாழும் சிறுபான்மை இனத்தவரின் உரிமைகளுக்காக தனது உடலநலத்தையும் ஒரு பொருட்டாக கருதாமல் களத்தில் இறங்கிய திரு.செயதாசு அவர்களுக்கு இந்த சமுதாயம் பல வகையில் கடன்பட்டிருக்கிறது.

பலரும் சாக்கு போக்கு சொல்லி தட்டிக் கழிக்கும் தருணங்களில் ஒரு செயல்வீரராக காட்சியளித்து சந்தர்ப்பவாதிகளுக்கு பாடம் புகட்டிய அந்த வீரருக்கு நாம் செய்ய வேண்டிய ஒரு கடமையுளது.

எதிர்வரும் மே மாதம் 1-ஆம் திகதி (வெள்ளிக்கிழமை) இரவு 8 மணியளவில், கிள்ளான் ஒக்கியன் அரங்கத்தில் திரு.செயதாசின் சிறுநீரகங்கள் மாற்று அறுவை சிகிச்சைக்காக நன்கொடை திரட்டும் கலை நிகழ்ச்சி விருந்தோடு நடைப்பெறவுள்ளது. இக்கலை நிகழ்வின் நுழைவுச் சீட்டு ஆளுக்கு தலா ரி.ம 100 மட்டுமே. தற்சமயம் நாடு தழுவிய நிலையில் இச்சீட்டுகள் விற்பனையாகி வருகின்றன.

கைமாறு எதிர்பாராது அவர் ஆற்றிய சமூகத் தொண்டிற்கு, நம்மாலான கைமாறு இது என மனதிற்கொண்டு இச்சீட்டுகளை அன்பர்கள் வாங்கி நிகழ்வில் கலந்துகொள்ள வேண்டும் என்று எதிர்ப்பார்க்கிறோம்.

நுழைவுச் சீட்டுகளை வாங்க எண்ணம் கொண்ட அன்பர்கள் கீழ்கண்ட அலைப்பேசி எண்களுடன் தொடர்புக் கொள்ளவும்.

வடமாநிலங்களில் வசிப்போர் :-

திருமதி சரஸ்வதி : 012-7162884

திரு.கலை : 012-5637614

கூட்டரசு பிரதேசம், சிலாங்கூர் மற்றும் தென் மாநிலங்களில் வசிப்போர் :-

திரு.கே.எம்.ராஜ் : 019-2295445

திரு.சிவா : 019-6944693

திரு.செயதாசு : 012-6362287

அனைவரும் திரண்டு வருக.. ! ஒருமித்த உணர்வுடன் கடமை வீரர்களாய் செயல்படுவோம் ! நிகழ்வை வெற்றிப் பெறச் செய்வோம்.. வாரீர்!

போராட்டம் தொடரும்...