தீவிரவாதப் பட்டியலில் சுனாமி!

>> Friday, December 26, 2008



சுனாமியால் வீடிழந்த மக்கள்
அரசாங்கத்தின் கருணைப் பார்வை
கடலோரத்தில் புதிய குடியிருப்பு..!?

***

மீனவனின் இழவு வீடு
கரையொதுங்கிய மீன்கள் ஒப்பாரி..??

***

குடிசையிழந்த பிள்ளைகள்
வாரி இறைத்த சேற்று மணலில்
புதிய மணற்கோட்டை!

***

சாட்சி சொல்லாது
வழக்கு போடாது
காமுகனின் காமப் பசிக்கு
நிர்வாணப் பிணங்கள்..!!

***

தாயின் கலவரம்
சேயின் ஆரவாரம்
மேலெழுந்த அலையைக் கண்டு...

***

பஞ்சம் தலைவிரித்தாடிய தேசத்தில்
உலக நிவாரணப் பணியாளர்கள்
சுனாமி கொண்டு வந்த உதவி!

***

பூமித்தட்டில் பிளவு
உலக மக்கள் ஒற்றுமை
சுனாமியன்று!

***

கடலுக்குள் சென்ற மீனவன்
திரும்பவில்லை!
மீன்கள் சிக்கிய வலை
கரையோரத்தில்..

***

அதிநவீனக் கருவிகள்
தொழில்நுட்ப மாந்தர்கள்
மிருங்கள் கூட்டம் கூட்டமாய் ஓட
பின்னாலே இவர்கள்!

***

மீன்குழம்பு கொதிக்க
இறக்கி வைக்க மறந்தேனே..
பூமித்தாயின் நீலிக்கண்ணீர்!

***

கஞ்சிக்கு வழியில்லை
வந்தது சுனா(மீ)
நிவாரண முகாமில்
கிடைத்தது 'மேகி மீ'..

***

நிர்வாணக் குழந்தைகள்
ஆடைகளுக்கு கையேந்த
நிவாரணக் குழு கைவிரிக்க..
சூரையாடல் அரங்கேற்றம்..!

***

கடலலை விரித்தப் பாயிலே
உறங்கிய மனிதர்கள்
விடிந்தும் எழவில்லை!
பாய் மட்டும் சுருட்டிக் கொண்டது!

***

3 லட்சம் உயிர்களைக் கொன்ற
'சுனாமி'!
தீவிரவாதப் பட்டியலில்...

***

மூழ்கடிக்கப்படுகிறது
கவிஞனின் மனம்
சுனாமி கவிதையால்..

***

கடற்கரையில் ஒரு கவிஞன்
தன்னை மறந்த நிலையில்
பின்னால்,
சுனாமி வருவதுகூட தெரியாமல்..

***

வேற்றுமை..

சுனாமியொரு சாபம்
ஹைக்கூவொரு வரம்

ஒற்றுமை..

இரண்டுமே
(Made in Japan)
சப்பான் நாட்டு தயாரிப்பு!

3 லட்சம் உயிர்களை கடலோடு கரைத்த சுனாமியைப் பற்றிய எனது உளறல்கள்.. பிழையிருப்பின் பொறுத்தருளவும்!

சுனாமியில் பாதிக்கப்பட்டவர்களுக்கு இப்பதிவினை சமர்ப்பிக்கிறேன்..

Facebook Blogger Plugin: Bloggerized by AllBlogTools.com Enhanced by MyBloggerTricks.com

4 கருத்து ஓலை(கள்):

மு.வேலன் December 26, 2008 at 10:16 AM  

அருமையான சமர்ப்பணம்!

என்னை மிகவும் கவர்ந்தவை சில...

//மீனவனின் இழவு வீடு
கரையொதுங்கிய மீன்கள் ஒப்பாரி..??//

//கஞ்சிக்கு வழியில்லை
வந்தது சுனா(மீ)
நிவாரண முகாமில்
கிடைத்தது 'மேகி மீ'..//

Sathis Kumar December 26, 2008 at 1:25 PM  

கருத்துக்கு நன்றி வேலன்..!

Esywara December 26, 2008 at 11:53 PM  

//Tsunami and haiku are Japanese products //

Bravo , excellent

Sathis Kumar December 27, 2008 at 1:12 AM  

//Bravo , excellent//

முதல் வருகைக்கும், கருத்துக்கும் நன்றி ஈஸ்வரா!

Blog Widget by LinkWithin
© 2007-2015 ஓலைச்சுவடி, மலேசியா - olaichuvadi@gmail.com

Blogger templates made by AllBlogTools.com

Back to TOP