100 நாட்களுக்கு இண்ட்ராஃப் நிகழ்வுகள் இல்லை!

இண்ட்ராஃப் ஊடக அறிக்கை 10/04/09

மலேசியாவின் ஆறாவது பிரதமராக பதவியேற்றிருக்கும் டத்தோ சிறீ நஜிப் துன் ரசாக்கிற்கும், இவரின் ஆட்சியின்கீழ் மீதமுள்ள தவணைகாலத்திற்கு பணிபுரியவிருக்கும் புதிய அமைச்சரவை உறுப்பினர்களுக்கும் வாழ்த்துகள். கடந்தகால ஆட்சியானது, மலேசிய இந்தியர்களின் அரசுரிமைகளுக்காக உண்மையாக குரலெழுப்பிய இண்ட்ராஃப் இயக்கத்தின் மீது காழ்ப்புணர்ச்சியைக் காட்டி வெறுக்கத்தக்க ஓர் ஆட்சியாக மக்கள் மனதில் திகழ்ந்தது.

இண்ட்ராஃப் கேட்டுக்கொள்வதெல்லாம், கடந்தகாலங்களைப்போல் அல்லாது, இப்புதிய ஆட்சியானது திட்டமிட்டு ஒடுக்கப்பட்டுவந்த மலேசிய இந்திய சமுதாயத்தின் முன்னேற்றத்திற்கு வழிகாண, புதிய மாற்றத்தை ஏற்படுத்த எங்களுடன் இணைந்து செயலாற்ற தயாராக வேண்டும் என்பதே.

புதிய ஆட்சியின் மீது நாங்கள் கொண்ட எதிர்ப்பார்ப்பினை புலப்படுத்தும் வகையில், நஜீப் பதவியேற்று 100 நாட்கள்வரை 'இண்ட்ராஃப்' சாலை மறியல், மகசர் வழங்கும் நிகழ்வு எதனையும் ஏற்று நடத்தாது. இப்புதிய ஆட்சியின்வழி மலேசிய மக்களுக்கு நியாயமான பாராபட்சமற்ற ஓர் அரசாங்கம் அமையும் என இண்ட்ராஃப் எதிர்பார்க்கிறது.

வேதமூர்த்தி பொன்னுசாமி
இண்ட்ராஃப் தலைவர்