பினாங்கு மக்கள் சக்தி பந்தல் களைக்கட்டிவிட்டது!

காலை மணி 9 தொடங்கி பினாங்குத் தீவு மக்கள் சக்தியின் சமூக சேவைப் பந்தல் இயங்க ஆரம்பித்து விட்டது. மக்கள் சக்தி சமூக சேவைப் பந்தலை திரு.நரகன் அவர்கள் குத்து விளக்கேற்றி அதிகாரப்பூர்வமாக தொடக்கி வைத்தார். தண்ணீர்மலையில் மக்கள் கூட்டம் பெருகிவரும் இவ்வேளையில்,மக்கள் சக்தி பந்தலுக்கான வரவேற்பும் அமோகமாக இருக்கிறது. பொதுமக்கள் பல பிரச்சனைகளுடன் மக்கள் சக்தி பந்தலை நாடுகின்றனர். பந்தலில் தேர்தல் ஆணைய அதிகாரிகளும் தேர்தல் வாக்காளர் பதிவினை மும்முரமாக செய்து வருகின்றனர். நேரம் கிடைக்கும் போதெல்லாம் நிகழ்வுகளின் படக்காட்சிகளை பதிவேற்றுகிறேன்.