சிங்கங்களுக்கு விடுதலை நீட்டு - மோகனன் பெருமாள்

சிங்கங்களுக்கு விடுதலை நீட்டு
மன்னிப்புக்கு மகுடம் சூட்டு

ஆலய உடைப்பு
அவலத்திற்கு அரசு
சார்பில் நஜீப்பின்
மனம் திறந்த மன்னிப்பு

இதயம் இருக்கிறது
இந்த அரசுக்கு

ஏற்க துடிக்குது
உள் மனம்

இடறி தடுக்குது
ஒரு கனம்

அவலத்தை அம்பலப்படுத்திய
இவரை 'இசா' வில்
இறுக்கி விட்டு

எங்கள் இதயத்தை
இருட்டில் தவிக்க விட்டு

மன்னிப்பு கேட்டால்
மனம் ஏற்குமா
மந்திரியே!

நாளைய
பிரதம மந்திரியே

தந்தை வழியில்
தர்மம் போற்று

ஒரு சமூகத்தின்
தலையெழுத்தை
மாற்ற வந்த

எங்கள் சிங்கங்களுக்கு
விடுதலை நீட்டு

உன் மன்னிப்புக்கு
ஒரு மகுடம் சூட்டு..

நன்றி : திரு.மோகனன் பெருமாள், லண்டன்

அரசாங்கத்தின் போக்கையும் மக்களின் மனப்போக்கையும் நயம்பட உரைத்திருக்கிறது இந்தக் கவிதை..